მანანა რატიანი სერგო რატიანს  - თქვენ მსჯელობთ საკითხებზე, რაზეც სრულფასოვანი ინფორმაცია არ გაქვთ და სტატისტიკა კი თქვენს საწინააღმდეგოდ მეტყველებს

მასწავლებელთა პროფესიული განვითარების ეროვნული ცენტრის დირექტორის მოადგილე მანანა რატიანი მიიჩნევს, რომ „ევროპული საქართველოს“ დეპუტატი სერგო რატიანი არასწორ და გადაუმოწმებელ ინფორმაციებს ავრცელებს, რას სისტემის დისკრედიტაციას ემსახურება. ამის შესახებ „ინტერპრესნიუსს“ საქართველოს განათლების, მეცნიერების კულტურისა და სპორტის სამინისტროდან აცნობეს.

მანანა რატიანი კიდევ ერთხელ ხაზს უსვამს, რომ კომპლექსური რეფორმა, რაც განათლების სისტემაში ტარდება პიროვნებაზე და თითოეული კატეგორიის მასწავლებელზეა ორიენტირებული.

„ყოველთვის მაინტერესებდა, რამდენად შეიძლება იმსჯელო იმ საკითხებზე, რაზეც სრულფასოვანი ინფორმაცია არ გაქვს, თან სტატისტიკა რომ ყველაფერ ამაზე საწინააღმდეგოს გეუბნებოდეს. საშუალოდ 75% უფროსი, წამყვანი და მენტორი მასწავლებელი სრულ დანამატს იღებს. კარგი იქნებოდა, საზოგადოებრივი თანხმობა გვქონოდა ასეთ ფუნდამენტურ საკითხებში, რომელიც რეალურად ხარისხის ამაღლებას უწყობს ხელს. ეს ცვლილებები პიროვნებაზე ორიენტირებულია, თითოეული კატეგორიის მასწავლებელზე ბევრი ვიფიქრეთ და ვიკამათეთ, რაც შეიძლება მეტს მიეღო ამ ცვლილებებით გაუმჯობესებული სამუშაო პირობები, გაუმჯობესებულიყო მასწავლებლების კეთილდღეობა“ - აცხადებს მანანა რატიანი.

შეგახსენებთ, „ევროპული საქართველოს“ წევრმა სერგო რატიანმა დღეს განაცხადა, რომ დაანონსებული ხელფასების ზრდა მასწავლებლების დაახლოებით 10%-ს შეეხება.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ