გაერთიანებული ოპოზიციის ზუგდიდის მერობის კანდიდატმა სანდრა რულოვსმა განაცხადა, რომ სურდა ზუგდიდის საკრებულოსთვის ზუგდიდის მე-6 საჯარო სკოლის ყოფილი დირექტორის, გარდაცვლილი ია კერზაიას სახელობის სკვერის გახსნასთან დაკავშირებით მიემართა, თუმცა მას საკრებულოს სხდომის დარბაზი დაატოვებინეს.
როგორც სანდრა რულოვსმა განაცხადა, ე.წ. ზონდერები მისი შეხვედრების და ღონისძიებების ჩაშლას ხშირად ცდილობენ.
„ამბობენ, „ყველანაირ მეთოდებზე უნდა გადავიდეთო“ და რას ნიშნავს?!. გატაცებაც რომ იყოს, ხალხის მოსყიდვაც რომ იყოს, ყველანაირ მეთოდებზე უნდა გადავიდნენ? ეს რას ნიშნავს - ისევ ია კერზაიას შემთხვევას და ისევ ზეწოლას?!“, - განაცხადა სანდრა რულოვსმა.