სუდანის სამხედრო საბჭომ და ოპოზიციამ სამწლიანი გარდამავალი მმართველობის შესახებ შეთანხმებას მიაღწიეს

სუდანის სამხედრო საბჭო აცხადებს, რომ მათ მიაღწიეს შეთანხმებას ოპოზიციასთან სამწლიანი გარდამავალი მმართველობის შესახებ. ამ დროის განმავლობაში ეტაპობრივად მოხდება ხელისუფლების სამხედრო საბჭოდან სამოქალაქო მთავრობის ხელში გადაცემა.

გარდა ამისა, გარდამავალი სამხედრო საბჭოს წევრები საკანონმდებლო ორგანოში ადგილების 2/3-ს დაიკავებენ.

შეგახსენებთ, მას შემდეგ, რაც მათ პრეზიდენტი ომარ ალ ბაშირი გადააყენეს, სუდანს უკვე ერთი თვეა სამხედრო საბჭო მართავს. მანამდე და მას შემდეგაც ქვეყნის დედაქალაქ ხარტუმში საპროტესტო აქციები არ წყდება. მოსახლეობა დემოკრატიულ მთავრობას ითხოვს. პერიოდულად ხდებოდა შეტაკებები აქციაზე, რა დროსაც გავრცელებული ცნობით, გუშინ 6 ადამიანი დაიღუპა.