დიდი ბრიტანეთის პრემიერ-მინისტრი ტერეზა მეი „ბრექსითთან“ დაკავშირებით კანონპროექტს პარლამენტს 3 ივნისს წარუდგენს. ამის შესახებ ინფორმაციას „ევრონიუსი“ ავრცელებს.

აღსანიშნავია, რომ „ბრექსითის“ შესახებ შეთანხმება დიდი ბრიტანეთის პარლამენტმა უკვე სამჯერ უარყო. ამასთანავე, 14 მაისს ტერეზა მეი „ლეიბორისტული პარტიის“ ლიდერს, ჯერემი კორბინს შეხვდა, რა დროსაც მედიაში გავრცელდა ინფორმაცია, რომ პარლამენტი „ბრექსითის“ შეთანხმებას მეოთხედ განიხილავს.

შეგახსენებთ, რომ ევროკავშირის დატოვების შესახებ დიდ ბრიტანეთში რეფერენდუმი 2016 წელს გაიმართა.