ვენესუელაში სამართალდამცავებმა ოპოზიციის მიერ კონტროლირებადი პარლამენტის შენობის შესასვლელები დაბლოკეს.
პარლამენტის ყველა შესასვლელს ქვეყნის ეროვნული გვარდია და უსაფრთხოების სამსახურის წარმომადგენელები აკონტროლებენ, რის გამოც დეპუტატები შენობაში შესვლას ვერ ახერხებენ.
ამასთანავე, „საერთაშორისო ამნისტიამ“ ვენესუელას პრეზიდენტი ნიკოლას მადურო ადამიანის უფლებების უხეშ დარღვევაში დაადანაშაულა. ისინი აცხადებენ, რომ მოსახლეობაზე ძალადობის ფაქტები ბოლო პერიოდში განსაკუთრებით გახშირდა.
შეგახსენებთ, რომ ვენესუელაში ვითარება მას შემდეგ დაიძაბა, რაც ოპოზიციის ლიდერმა ხუან გუაიდომ თავი ქვეყნის დროებით პრეზიდენტად გამოაცხადა. აღსანიშნავია, რომ მას მხარს 50-მდე ქვეყანა უჭერს.