იმედი მაქვს, კვირას ვიტყვით, რომ ეს იყო თავისუფალ და გამჭვირვალე გარემოში ჩატარებული არჩევნები, - ამის შესახებ ჰოლანდიის ელჩმა საქართველოში, იოჰანეს დაუმამ განაცხადა.
დაუმამ გაერთიანებული ოპოზიციის - „ძალა ერთობაშია“ ლიდერების დიპლომატიური კორპუსის წარმომადგენლებთან შეხვედრის შემდეგ აღნიშნა, რომ ოპოზიციასთან შეხვედრას ინფორმაციული ხასიათი ჰქონდა.
"დღეს მხოლოდ ინფორმაცია მოვისმინეთ, ამიტომ მხოლოდ მოსმენის რეჟიმში ვიყავით. მივიღეთ ზუგდიდში მიმდინარე პროცესებზე დეტალური ინფორმაცია, არჩევნების სხვა ნაწილზე კი არ გვიმსჯელია. იმედი მაქვს, კვირას ამ დროს ვიტყვით, რომ ეს იყო თავისუფალ და გამჭირვალე გარემოში ჩატარებული არჩევნები", - განაცხადა დაუმამ.