#67 ზუგდიდის საოლქო საარჩევნო კომისიასთან გაერთიანებული ოპოზიციის აქცია მიმდინარეობს

#67 ზუგდიდის საოლქო საარჩევნო კომისიასთან გაერთიანებული ოპოზიციის აქცია მიმდინარეობს. აქციის მონაწილეები საოლქო კომისიის თავმჯდომარის, მირანდა მესხის გადადგომას ითხოვენ.

აღსანიშნავია, რომ აქციის მონაწილეებს ჰქონდათ კიდევ ერთი მოთხოვნა - საოლქოს მიერ გაცემული სიების და ბეჭდების დაბრუნება, რაც, ცესკოს განცხადებით, დაკმაყოფილებული იქნება.

„ჩვენი ინფორმაციით, ცესკომ გასცა ბეჭდების დაბრუნების ბრძანება, რასაც ჩვენ ვითხოვდით", - ამბობს ოპოზიციის ერთ-ერთი ლიდერი კობა ნაყოფია.

აქციაზე ამ წუთებში სიტყვით გამოდიან პარტიის ლიდერები.

შეგახსენებთ, რომ ზუგდიდის 67-ე საოლქო საარჩევნო კომისიასთან წუხელ ხმაური იყო. გაერთიანებული ოპოზიციის წარმომადგენლები კომისიის თავმჯდომარის გადადგომას მოითხოვდნენ. რამდენიმე მათგანმა მირანდა მესხთან შეხვედრაც გამართა, თუმცა კომისიის თავმჯდომარემ თანამდებობის დატოვებაზე უარი განაცხადა. ადგილზე მობილიზებული იყო პოლიცია, მათ შორის საოლქო საარჩევნო კომისიასთან პირადად ზუგდიდის პოლიციის უფროსი ირაკლი ფაცაციაც მივიდა.

გაერთიანებული ოპოზიცია საოლქო კომისიის თავმჯდომარის გადადგომას მის მიერ სამაგიდო სიებისა და ბეჭდების უბნებზე აჩევნებიდან ხუთი დღით ადრე დარიგების გამო მოითხოვს, რასაც არჩევნების გაყალბების მცდელობად აფასებს. რაც შეეხება მირანდა მესხს, ის აცხადებს, რომ ზუგდიდში 107 უბანია და სიები ეტაპობრივად გაიცემა, რადგან მათი დარიგება ვერ ესწრება. საბოლოოდ, ოპოზიციის მოთხოვნის საფუძველზე, ამომრჩეველთა სიები 41 სოფლიდან დააბრუნეს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს