გარემოს ეროვნული სააგენტო აღმოსავლეთ საქართველოში წვიმისა და სეტყვის მაისის თვის სტატისტიკურ მონაცემებს ავრცელებს

16-18 მაისს, საქართველოში ჰაერის ტემპერატურა მოიმატებს. გარემოს ეროვნული სააგენტოს მიერ გავრცელებული ინფორმაციით, 16-18 მაისს, ჰაერის ტემპერატურა დასავლეთ საქართველოს დაბლობში +29, +34, აღმოსავლეთ საქართველოს ბარში +27, +32 გრადუსამდე გაიზრდება.

ამასთან, გარემოს დაცვისა და სოფლის მეურნეობის სამინისტროს გარემოს ეროვნული სააგენტოს ინფორმაციით, მიმდინარე წლის მაისის თვე ხასიათდება ხშირი, ელჭექის ხასიათის ნელექებით, ზოგან სეტყვით, რაც დამახასიათებელია აღმოსავლეთ საქართველოსთვის. ამის შესახებ ინფორმაციას გარემოს დაცვისა და სოფლის მეურნეობის სამინისტროს გარემოს ეროვნული სააგენტო ავრცელებს.

სააგენტოს ინფორმაციით, კლიმატურ მონაცემებზე დაყრდნობით, წლის განმავლობაში ნალექების და სეტყვის მაქსიმუმი მოდის სწორედ მაისის თვეზე. სადამკვირვებლო ქსელიდან შემოსული მონაცემების საფუძველზე, გასული დღეების განმავლობაში კახეთის რეგიონში, კერძოდ ქ. ლაგოდეხში 4-5 მაისს 24 საათში მოსული ნალექების რაოდენობამ შეადგინა 125 მმ. მსგავსი სიძლიერის წვიმა აღინიშნა 2006 წელს, როდესაც 24 საათში მოსული ნალექების რაოდენობამ 14 მაისს შეადგინა 128 მმ და 2011წ.-100 მმ.

,,თელავში წელს პირველად დღე-ღამეში მოსული ნალექის რაოდენობამ შეადგინა 93 მმ. სტატისტიკური მონაცემებზე დაყრდნობით, ასეთი სიძლიერის წვიმა ქ. თელავში მაისის თვეში არ დაფიქსირებულა. ქ. თელავში 1981წ. 15 მაისს დაფიქსირდა 62 მმ, ხოლო 2005წ.-58 მმ. აღმოსავლეთ საქართველოში მოსული უხვი ნალექი განპირობებულია კავკასიის ჩრდილოეთიდან გრილი და ნოტიო ჰაერის მასების გავრცელებით.

სტატისტიკური მონაცემებით, აღმოსავლეთ საქართველოში მაისის თვეში სეტყვის შემთხვევები ხშირია. ბოლო 5 წლის მონაცემებით, ძლიერი სეტყვა აღინიშნა სხვადასხვა რეგიონში, მათ შორის კახეთში. 2014 წელი: წინანდალი, ქვემო ხოდაშენი, ბეშეთი, თელავი, დედოფლისწყარო, სიღნაღი, გურჯაანი. 2015 წელი: თელავი, საგარეჯო, კურდღელაური, შიბლიანი, ყანდაურა, კაკაბეთი, კისისხევი. 2016 წელს მაისის თვეში დაისეტყვა კახეთის 16 სოფელი, 2017 წელს-38 სოფელი, 2018 წელს კი 5 სოფელი. სპეციალისტების განმარტებით, აღმოსავლეთ საქართველო, დასავლეთ საქართველოსგან განსხვავებით, მაისის და ზაფხულის თვეებში ხასიათდება სეტყვის ხშირი შემთხვევებით, რაც ძირითადად განპირობებულია გრილი და ნოტიო ჰაერის მასების გავრცელებით.

რაც შეეხება თბილისს, 2019 წ. 12 მაისს 20 წუთში მოსული ნალექის რაოდენობამ შეადგინა 22 მმ, რაც ქ. თბილისისთვის არ წარმოადგენს რაიმე ანომალიას. სტატისტიკური მონაცემებით, 2012 წ. 19 მაისს თბილისში 12 საათში მოვიდა 94 მმ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო