ირაკლი ჩიქოვანი - „ქართული ოცნება“ არჩევნებს იგებს, ხოლო „ნაცმოძრაობა“ საარჩევნო პროცესის დისკრედიტაციას ცდილობს

„ქართული ოცნება - დემოკრატიული საქართველოს“ ზუგდიდის საარჩევნო შტაბის უფროსი ირაკლი ჩიქოვანი საოლქო საარჩევნო კომისიის საკითხთან დაკავშირებით განცხადებას აკეთებს. მისი განმარტებით, „ერთიანი ნაციონალური მოძრაობა“ საარჩევნო პროცესის დისკრედიტაციას ცდილობს. მისივე თქმით, არც ერთი ნორმატიული აქტი არ დარღვეულა.

„საზოგადოება ნათლად ხედავს იმას, რომ „ნაციონალური მოძრაობის“ მხრიდან მცდელობაა, მოახდინონ საარჩევნო პროცესის დისკრედიტაცია, ძალიან კონკრეტული განმარტებები გააკეთა ცენტრალურმა საარჩევნო კომისიამ, რომ არც ერთ ნორმატიული აქტის დარღვევას ადგილი არ ჰქონია და საოლქო კომისია მოქმედებდა რეგლამენტით გათვალისწინებული უფლებით. თუმცა, იმისთვის, რომ არ იყოს რაიმე სახის შეკითხვა „ნაციონალური მოძრაობის“ მხრიდან, ხელახლა დაამზადებენ ბეჭდებს და ხელახლა გადაუგზავნიან უბნებს. მე ვთვლი, რომ ეს არის თითიდან გამოწოვილი პრობლემა, ნათელია, რომ „ქართული ოცნება“ ამ არჩევნებს იგებს, ხოლო „ნაციონალური მოძრაობა“ ყველაფერს ცდილობს ამ დღეებში, რომ საარჩევნო პროცესის დისკრედიტაცია მოახდინოს”, - განაცხადა ჩიქოვანმა.

ზუგდიდის საარჩევნო შტაბის უფროსი მოუწოდებს ყველას, შეინარჩუნონ სიმშვიდე და არ აყვნენ „ნაციონალური მოძრაობის“ „უსაფუძვლო აჟიოტაჟს“.

„მოვუწოდებთ ყველას, ძალიან მშვიდად შეხვდნენ ამ პროცესებს. ის აჟიოტაჟი, რომელსაც ტეხავს „ნაციონალური მოძრაობა“ ისევ და ისევ განპირობებულია იმით, რომ გვაქვს უშინაარსო და უშედეგო კამპანია მათი მხრიდან, შესაბამისად, ისინი მხოლოდ საარჩევნო პროცესის დისკრედიტაციით არიან დაკავებულნი. ჩვენს შტაბს ჰყავს იდენტიფიცირებული მხარდამჭერები, ნათლად ვხედავთ, რომ ამ არჩევნებს დამაჯერებლად ვიგებთ და 19 მაისს ვიზეიმებთ გეგა შენგელიას გამარჯვებას. გავაგრძელებთ საარჩევნო კამპანიას, რომელიც აქტიურ ფაზაშია. სულ უფრო მეტი ადამიანი გვიერთდება და მხარს უჭერს გეგას, ასე რომ, აქ საუბარი იმაზე, რომ რაიმე ფორმით შეიძლება, საქმე გვქონდეს რაიმე დაბრკოლებასთან, უსაფუძვლოა”, - განაცხადა ჩიქოვანმა.

მანვე აღნიშნა, რომ „ნაციონალური მოძრაობა“ „დესტრუქციისკენ მიმართული პოლიტიკური ძალაა“, აქედან გამომდინარე, მიუხედავად მათი მონდომებისა, ზუგდიდში მათ მიერ ჩაყვანილი ადამიანები ვერ შეძლებენ ამ ქალაქში არეულობის შეტანას.

აღნიშნულ ინფორმაციას პარტია „ქართული ოცნება“ ავრცელებს.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა