სომალიში საშუალო სკოლაში მისაღები გამოცდები ხელმეორედ გაიმართება. აღსანიშნავია, რომ ხელისუფლების ამ გადაწყვეტილებას სკოლის მოსწავლეთა საპროტესტო აქციები მოჰყვა.

„ბიბისის“ ინფორმაციით, მისაღები გამოცდების თავიდან ჩატარების მიზეზად სოციალურ მედიაში საგამოცდო მასალის წინასწარი გავრცელება გახდა.

ქვეყნის განათლების მინისტრმა მედიასთან საუბრისას განაცხადა, რომ გამოცდები მაისის ბოლო დღეებში გაიმართება, რა დროსაც ქვეყნის მასშტაბით სოციალური მედია დაიბლოკება.

აღსანიშნავია, რომ ჯერჯერობით უცნობია თუ როგორ აპირებს ქვეყნის ხელისუფლება სოციალური ქსელების დაბლოკვას. ამასთანავე, განათლების მინისტრს ასევე არ დაუკონკრეტებია კონკრეტულად რომელი მედიასაშუალებები დაიბლოკება.