თამარ ჩუგოშვილი - პოლიტიკური თანამდებობის პირებს საარჩევნო პროცესში მონაწილეობა შეუძლიათ, თუმცა გიორგი გახარია თბილისშია და მისი პასუხისმგებლობა მართლწესრიგის უზრუნველყოფაა

„პოლიტიკური თანამდებობის პირებს საარჩევნო პროცესში მონაწილეობის მიღება შეუძლიათ, თუმცა გიორგი გახარია თბილისშია და მისი პასუხისმგებლობა მართლწესრიგის უზრუნველყოფაა“, - ამის შესახებ პარლამენტის პირველმა ვიცე-სპიკერმა, თამარ ჩუგოშვილმა განაცხადა, როდესაც უპასუხა კითხვას, რომ ოპოზიციის განცხადებით, ზუგდიდში შტაბის ხელმძღვანელი გიორგი გახარიაა.

მისი თქმით, შტაბის უფროსი ყავს, ის ზუგდიდშია და ხელმძღვანელობს პროცესს.

„სხვა პოლიტიკურ თანამდებობის პირებს, როგორც ამ პოლიტიკური ძალის წარმომადგენლებს, შესაძლებელია, თავიანთი პოზიცია ჰქონდეთ, მათ შორის, შეუძლიათ მონაწილეობის მიღებაც - ეს პოლიტიკური თანამდებობის პირებისთვის ნორმალური პროცესია. გიორგი გახარია თბილისშია და მისი პასუხისმგებლობა არის ის, რომ საარჩევნო პროცესში მართლწესრიგი იქნას უზრუნველყოფილი“, - აღნიშნა პარლამენტის პირველმა ვიცე-სპიკერმა.

მანვე ზუგდიდის საკრებულოს წევრ გია დანელიასთან და გავრცელებულ ფარულ ჩანაწერთან დაკავშირებითაც ისაუბრა. მისი თქმით, ჩანაწერზე სერიოზულად საუბარი უბრალოდ, შეუძლებელია.

„ის ტექსტი, რაც ამ ჩანაწერში ისმოდა, სრული აბსურდია. მიუხედავად ამისა, პროკურატურამ გუშინვე დაიწყო გამოძიება და ძალიან მალე ველოდებით ამ გამოძიების შედეგებს, ვინაიდან ჩვენს ინტერესებში შედის, რომ დროულად გაირკვეს, ან რა ჩანაწერია საერთოდ, ან რა დავალებაზე საუბრობს ეს ადამიანი და საერთოდ, საუბრობს თუ არა“, - განაცხადა ჩუგოშვილმა.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება