ჩემი სახლის ქურდობამდე დიდი ხნით ადრე მივიღე მინიშნება, რომ თანამდებობა უნდა დამეტოვებინა, - ასე უპასუხა ეკონომიკის ყოფილმა მინისტრმა გიორგი ქობულიამ დეპუტატ დავით ჭიჭინაძის კითხვას, რომელიც ქობულიას სახლის ქურდობასა და თანამდებობიდან გაშვების საკითხებს შორის კავშირს ეხებოდა.
„თქვენი სახლის ქურდობა მინიშნება ხომ არ იყო, რომ თანამდებობა უნდა დაგეტოვებინათ თქვენი ნებით“, - ჰკითხა ყოფილ მინისტრს დავით ჭიჭინაძემ.
ქობულიამ კი აღნიშნა, რომ მინიშნება ამ ფაქტამდე გაცილებით ადრე მიიღო.
„მე ჩემი სახლის ქურდობამდე დიდი ხნით ადრე მივიღე მინიშნება, რომ თანამდებობა უნდა დამეტოვებინა. ამიტომ არ მგონია ეს რამე კავშირში იყოს“, - განაცხადა გიორგი ქობულიამ.