გიგი უგულავა - ხალხმა, ფსიქოლოგიურად ჩასვა ივანიშვილი თავისი ამალით მატარებელში, რომელიც მიდის ხელისუფლებიდან

ჭიათურას სჭირდება მომავალი, მომავალზე ორიენტირებული მერი, რომელსაც აქვს ხედვა და იცის როგორ უნდა მოხდეს ეკონომიკის დივერსიფიცირება, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ განაცხადა. გიგი უგულავას განცხადებით, ძალიან მნიშვნელოვანია, ჭიათურაში გაიმარჯვოს დამოუკიდებელმა კანდიდატმა დავით ჭუმბურიძემ, რომელსაც „ევროპული საქართველო“ და სხვა ოპოზიციური პარტიები უჭერენ მხარს.

„მნიშვნელოვანია, რომ ახალი ხედვა და ახალი სიცოცხლე გაჩნდეს აქ, რადგან „ქართულმა ოცნებამ“ ჭიათურა ჭაობად აქცია. შეუძლებელია ასეთი რეტროგადული, წარსულზე ორიენტირებული, წარსულის რაღაც მითებზე დაფუძნებული მმართველობა, რასაც გვთავაზობს „ქართული ოცნება“. ჭიათურას სჭირდება მომავალი, მომავალზე ორიენტირებული მერი, რომელსაც აქვს ხედვა, იცის როგორ უნდა მოხდეს ეკონომიკის დივერსიფიცირება, რომ ადამიანებმა ფული იშოვონ სხვადასხვა სექტორიდან და არ იყვნენ მხოლოდ მანგანეცზე დამოკიდებული. ამიტომ დავით ჭუმბურიძის გამარჯვება მართლა რეალურად იქნება შემობრუნება , აქ იმერეთშიც და მთლიანად საქართველოში. ზოგადად „ქართული ოცნების“ ვადა უკვე ამოწურულია, ხალხი ამას უკვე გრძნობს, ხალხმა უკვე ფსიქოლოგიურად ჩასვა ივანიშვილი თავისი ამალით მატარებელში, რომელიც მიდის ხელისუფლებიდან. ახლა მთავარია ეს არჩევნებზე გაფორმდეს”, - განაცხადა გიგი უგულავამ.

„ევროპული საქართველოს“ ლიდერები: გიგი უგულავა და სერგი კაპანაძე ჭიათურაში, სოფელ ზოდში ჭიათურის მერობის დამოუკიდებელ კანდიდატთან, დავით ჭუმბურიძესთან ერთად წინასაარჩევნო შეხვედრაზე იმყოფებოდნენ.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა