​საქართველოს და ლატვიის პრეზიდენტებმა რიგაში თავისუფლების მონუმენტი გვირგვინით შეამკეს

საქართველოს პრეზიდენტმა სალომე ზურაბიშვილმა და რაიმონდს ვეიონისმა, დელეგაციებთან ერთად, პატივი მიაგეს ლატვიის დამოუკიდებლობისათვის დაღუპულ გმირებს. სალომე ზურაბიშვილმა დღესვე ლატვიის რესპუბლიკის ოკუპაციის მუზეუმი დაათვალიერა და მუზეუმის მუშაობის სპეციფიკას გაეცნო.

ოკუპაციის მუზეუმში საქართველოს პრეზიდენტს ლატვიის რესპუბლიკის ოკუპაციის მუზეუმის დირექტორმა გუნარს ნაგელსიმ უმასპინძლა. საქართველოს პრეზიდენტმა მუზეუმის დათვალიერების შემდეგ საპატიო სტუმართა წიგნში ჩანაწერი გააკეთა.