ზუგდიდში მყოფმა მანანა არჩვაძე-გამსახურდიამ სანდრა რულოვსის ინტერვიუს დროს მომხდარ ინციდენტში მონაწილე გელა კვარაცხელიას გათავისუფლება მოითხოვა

კონსტანტინე გამსახურდიას 150 წლის იუბილესთან დაკავშირებით, საქართველოს პირველი პრეზიდენტის მეუღლე მანანა არჩვაძე - გამსახურდია ზუგდიდში იმყოფება. ის ზვიად გამსახურდიას ძეგლთან მივიდა და მოსახლეობის წარმომადგენლებს შეხვდა. შეხვედრაზე მანანა არჩვაძე-გამსახურდიამ გაერთიანებული ოპოზიციის მერობის კანდიდატის სანდრა რულოვსის ინტერვიუს დროს მომხდარ ინციდენტში მონაწილე გელა კვარაცხელიას გათავისუფლება მოითხოვა.

„გუშინ აიყვანეს ჩვენი წარმომადგენელი, რომელიც დაკავებულ იქნა იმისთვის, რომ მან არ აპატია რულოვსს და მის ე.წ მეუღლეს ზვიად გამსახურდიას დაუმსახურებელი ლანძღვა, საქართველოს გარყვნა და გაყიდვა. მე მივმართავ პოლიციას, თუ ის პიროვნება გათავისუფლდებული არ არის, მომიყვანოს ახლავე აქ. წინააღმდეგ შემთხვევაში, მე აქედან არსად არ წავალ და დავჯდები აქ. რულოვსი უვარდება საკრებულოს, რულოვსი უვარდება ოჯახებს. ესენი არამზადები არიან“, - განაცხადა შეხვედრაზე მანანა არჩვაძე-გასახურდიამ.

შეხვედრაზე სიტყვიერი დაპირისპირება მოხდა არჩვაძე-გამსახურდიასა და ერთ-ერთ ჟურნალისტს შორის. მან პირველი პრეზიდენტის მეუღლეს კითხვა დაუსვა, იყო თუ არა ის ბიძინა ივანიშვილის მიერ მოგზავნილი, რაზეც არჩვაძემ უპასუხა, რომ „თქვენ ხართ პროვოკატორი“. მისივე თქმით, ის ზუგდიდში საქართველოს გამო იმყოფება. მასთან ერთად ზუგდიდის ბულვარში ზვიად გამსახურდიას თანამებრძოლები და მოძრაობა „დაიცავი საქართველოს“ ყოფილი ლიდერი კახა მიქაია იმყოფებოდნენ.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ