რას ნიშნავს პრემიერ-მინისტრი არ აპირებს პასუხების გაცემას?! ძალიან კარგადაც მოუწევს! - ეს განცხადება დამოუკიდებელმა დეპუტატმა ლევან კობერიძემ „პალიტრანიუსის“ გადაცემაში „360 გრადუსი“ გააკეთა და ამ წინადადებით გამოეხმაურა პრემიერ-მინისტრის მიერ დღეს ეკონომიკის ყოფილ მინისტრზე გაკეთებულ განცხადებებს.

„ ვინმე პრემიერ-მინისტრ ბახტაძეს იმას კი არ სთხოვს, ქობულია დააბრუნოს მინისტრის თანამდებობაზე, აქ საუბარია იმაზე, რა ბრალდებებიც და თემებიც გააჟღერა და რა ხედვებიც წარმოადგინა, იმ ხედვების შესაბამისი არის თუ არა ახალი მინისტრის მოქმედებები ან იქნება თუ არა?! ეს ერთი და მერე მეორე, რაც ქობულიამ თქვა „ეს ხდება იქო“, შესაბამისად ამაზე რა არის პრემიერი პასუხი. რას ნიშნავს, პრემიერი არ აპირებს პასუხის გაცემას?! პრემიერს პარლამენტი ამტკიცებს და შესაბამისად პარლამენტის წინაშე არის ანგარიშვალდებული, საზოგადოების და ხალხის წინაშე. რას ნიშავს არ აპირებს?! ძალიან კარგადაც მოუწევს კითხვებზე პასუხის გაცემა. ეს კითხვები დაისვა უკვე ამ კითხვებს ესაჭიროება პასუხები“, - განაცხადა ლევან კობერიძემ.

იხილეთ ვიდეო