გიორგი გახარიამ საფრანგეთის თავდაცვისა და უსაფრთხოების გენერალური სამდივნოს წარმომადგენლებმა შავი ზღვის აუზში უსაფრთხოების კუთხით არსებულ საფრთხეებზე ისაუბრეს
საქართველოს შინაგან საქმეთა მინისტრი, ეროვნული უსაფრთხოების საბჭოს მდივანი, გიორგი გახარია საფრანგეთის თავდაცვისა და ეროვნული უსაფრთხოების გენერალური სამდივნოს (SGDSN) დელეგაციას შეხვდა, რომელსაც გენერალური მდივნის მოადგილე, გენერალ-ლეიტენანტი ქსავიე დე ვუალმო ხელმძღვანელობდა.
შინაგან საქმეთა სამინისტროს ინფორმაციით, შეხვედრაზე მხარეებმა საქართველოსა და მსოფლიოში, მათ შორის კიბერსივრცესა და შავი ზღვის აუზში უსაფრთხოების კუთხით არსებულ გამოწვევებსა და საფრთხეებზე ისაუბრეს. მათივე ცნობით, შინაგან საქმეთა მინისტრი და გენერალური მდივნის მოადგილე ორმხრივი სამომავლო თანამშრომლობის გაღრმავებაზე შეთანხმდნენ.
გიორგი გახარიამ ქსავიე დე ვუალმოს ინფორმაცია მიაწოდა საქართველოს ეროვნული უსაფრთხოების ახლად შექმნილი საბჭოს კონცეფციაზე, მიზნებსა და მთავარ გამოწვევებზე. ფრანგმა კოლეგებმა ქართულ მხარეს საფრანგეთის თავდაცვისა და ეროვნული უსაფრთხოების გენერალური სამდივნოს გამოცდილება გაუზიარეს.
შეხვედრის დასასრულს, გიორგი გახარიამ ფრანგულ მხარეს მადლობა გადაუხადა იმ მხარდაჭერისთვის, რომელსაც საქართველო მუდმივად გრძნობს საფრანგეთისგან.
