თბილისის მერიის თანამშრომლები ტრენინგს - „სტრატეგიული გარემოსდაცვითი შეფასება  სივრცითი დაგეგმარებისა და სივრცითი მოწყობის სექტორში“ გადიან

თბილისის მერიის თანამშრომლები ტრენინგში -„სტრატეგიული გარემოსდაცვითი შეფასება (სგშ) სივრცითი დაგეგმარებისა და სივრცითი მოწყობის სექტორში“ ჩაერთვნენ. ტრენინგის გახსნას დედაქალაქის მერის მოადგილე მაია ბითაძე დაესწრო.

მაია ბითაძის განცხადებით, გარემოზე ზემოქმედების შეფასების თანამედროვე მოდელის გაცნობა ყველა ჩართული მხარისთვის მნიშვნელოვანია.

"ძალიან მნიშვნელოვანი ტრენინგები ტარდება, როგორც მერიის, ასევე გარემოს დაცვის სამინისტროს თანამშრომლებისთვის, სივრცით დაგეგმარებაში გარემოზე ზემოქმედების შეფასების თანამედროვე მოდელის გაცნობის თვალსაზრისით. ძალიან მნიშვნელოვანია, რომ ჩვენი თანამშრომლების ცოდნა ამაღლდეს ასოცირების ხელშეკრულების სრულყოფილად შესრულების თვალსაზრისით", - აღნიშნა მერის მოადგილემ.

დედაქალაქის მერიის ცნობით, ტრენინგი ევროპისთვის გაეროს ეკონომიკური კომისიის მხარდაჭერით გაიმართა.

ტრენინგ-კურსის მიზანია, საქართველოში სტრატეგიული გარემოსდაცვითი შეფასების შესაძლებლობების გაფართოება, როგორც ეროვნულ, ისე ადგილობრივ დონეზე.

სივრცითი დაგეგმარება და სივრცითი მოწყობა წარმოადგენს იმ მნიშვნელოვან სექტორს, სადაც მომზადებული სტრატეგიული დოკუმენტები ექვემდებარება სტრატეგიულ გარემოსდაცვით შეფასებას. გამომდინარე იქიდან, რომ სტრატეგიული გარემოსდაცვითი შეფასების სისტემა წარმოადგენს ახალ ინსტრუმენტს და ამ მიმართულებით მწირია გამოცდილება, აღნიშნული ღონისძიება უაღრესად მნიშვნელოვანია სტრატეგიული გარემოსდაცვითი შეფასების პროცესში ჩართული ყველა მხარისთვის.

ორდღიან ტრენინგს ევროპისთვის გაეროს ეკონომიკური კომისიის საერთაშორისო და ეროვნული კონსულტანტები ჩაატარებენ. მას როგორც მუნიციპალიტეტის, ასევე, სხვადასხვა სამინისტროების წარმომადგენლები გაივლიან.

ტრენინგის მონაწილეები გაეცნობიან სტრატეგიული გარემოსდაცვითი შეფასების ეფექტიანი სისტემის ძირითად პრინციპებს. განსაკუთრებული აქცენტი გაკეთდება სკრინინგისა და სკოპინგის პროცედურებზე. ამ მიმართულებით ევროპისათვის გაეროს ეკონომიკური კომისიასთან თანამშრომლობა მომავალშიც გაგრძელდება.

იხილეთ ვიდეო: თბილისის მერიის თანამშრომლები ტრენინგს - "სტრატეგიული გარემოსდაცვითი შეფასება სივრცითი დაგეგმარებისა და სივრცითი მოწყობის სექტორში" გადიან

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ