სალომე ზურაბიშვილმა ესტონეთში ოფიციალური ვიზიტი დაიწყო

საქართველოს პრეზიდენტმა სალომე ზურაბიშვილმა ესტონეთში ოფიციალური ვიზიტი დაიწყო. პრეზიდენტის ადმინისტრაციის ინფორმაციით, საქართველოს პრეზიდენტის ოფიციალური დახვედრის ცერემონია ტალინში, ესტონეთის პრეზიდენტის სასახლეში გაიმართება, სადაც საქართველოს და ესტონეთის პრეზიდენტების პირისპირ მოლაპარაკებები და პრესკონფერენცია ჩატარდება.

მათივე ცნობით, დაგეგმილია საქართველოს პრეზიდენტის შეხვედრები ესტონეთის რესპუბლიკის “რიიგიკოგუს” თავმჯდომარე ჰენ პოლუასთან და პრემიერ-მინისტრ იური რატასთან.

ესტონეთის რესპუბლიკაში საქართველოს ელჩის თეა ახვლედიანის განცხადებით, საქართველოს პრეზიდენტის ვიზიტის განსაკუთრებულ მნიშვნელობას არაერთი ფაქტორი განაპირობებს.

„შეხვედრებზე განხილული იქნება ესტონეთის მხარდაჭერის პრაქტიკული განხორციელება საქართველოს ევროინტეგრაციისა და ნატოში გაწევრიანების მიმართულებით და საქართველოს რეგიონების ოკუპაციასთან დაკავშირებული საკითხები. ცნობილია, რომ ეს თემა ესტონეთის პრეზიდენტმა კერსტი კალიულაიდიმ მოსკოვში რუს კოლეგასთან შეხვედრაზე დააყენა. დღეს ესტონეთს, ახალი საპარლამენტო არჩევნების შემდეგ, ჰყავს ახალი კოალიციური მთავრობა და პრეზიდენტის ვიზიტი კარგ შესაძლებლობას წარმოადგენს იმისათვის, რომ კიდევ ერთხელ, შესაბამის, მაღალი თანამდებობის პირებთან განიხილებოდეს საქართველოს პრიორიტეტები", - განაცხადა ახვლედიანმა.

პრეზიდენტის ადმინისტრაციის ინფორმაციით, ესტონეთის პრეზიდენტთან და გერმანიის ფედერაციული რესპუბლიკის თავდაცვის მინისტრთან ერთად, საქართველოს პრეზიდენტი მონაწილეობას მიიღებს უსაფრთხოების კონფერენციის „ერთი წარსული – ბევრი მომავალი“ ღია დისკუსიაში. თეა ახვლედიანის განცხადებით, კონფერენციაში მონაწილეობა პრეზიდენტის ოფიციალური ვიზიტის უმნიშვნელოვანესი კომპონენტია, რადგან კონფერენციის საერთაშორისო და მაღალი დონის აუდიტორია მოელის სალომე ზურაბიშვილის ხედვას ევროპის მომავალთან დაკავშირებით, გამომდინარე, როგორც საფრანგეთის დიპლომატიური გამოცდილებიდან და ასევე, საქართველოს პრეზიდენტის პოზიციიდან.

პრეზიდენტის ადმინისტრაციის ინფორმაციით, სალომე ზურაბიშვილი ტალინში ნატოს კოოპერატიული კიბერთავდაცვის ცენტრს ეწვევა და მისი მუშაობის სპეციფიკას გაეცნობა. ოფიციალური ვიზიტის კულტურული პროგრამის ფარგლებში, საქართველოსა და ესტონეთის რესპუბლიკის პრეზიდენტები “მიკელის” მუზეუმში ფიროსმანის გამოფენას “მარტოხელა გენიოსის სამყარო” დაათვალიერებენ. დაგეგმილია საქართველოს პრეზიდენტის შეხვედრები ქართველ სტუდენტებთან და ქართული დიასპორის წარმომადგენლებთან.

იხილეთ ვიდეო: საქართველოს პრეზიდენტი ოფიციალური ვიზიტით ესტონეთში იმყოფება

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)