სოფო კილაძის ინფორმაციით, რელიგიური კონფესიების წარმომადგენლებთან შეხვედრით ყველა ის პრობლემური საკითხი ამოიწურა, რაც მათ აწუხებთ

პარლამენტის ადამიანის უფლებათა დაცვის კომიტეტის თავმჯდომარის სოფო კილაძის ინფორმაციით, რელიგიური კონფესიების წარმომადგენლებთან დღევანდელი შეხვედრით ყველა ის პრობლემური საკითხი ამოიწურა, რაც კონფესიებს აწუხებთ.

როგორც კილაძემ ჟურნალისტებს სამუშაო ჯგუფის შეხვედერის შემდეგ განუცხადა, ეს ეხება რელიგიური განათლების საკითხს, შენობა-ნაგებობის საკითხს, საკონსტიტუციო სასამართლოს მიერ მიღებული გადაწყვეტილებების აღსრულებას.

„ახლა ყველა იმ ინფორმაციას დავამუშავებთ, რაც მივიღეთ და პრობლემების შემდგომ გადაჭრაზე ვიზრუნებთ. ჩვენ ასევე საერთაშორისო გამოცდილებას უნდა გავეცნოთ, თუ როგორ რეაგირებენ რელიგიის კუთხით არსებულ პრობლემებზე“, - აღნიშნა სოფო კილაძემ.