ოთარ კახიძე - თამარ ჟვანია პასუხისმგებელია იმ მძიმე მდგომარეობაზე, რაც საარჩევნო კამპანიის მიმდინარეობისას ჩანს

თამარ ჟვანია პასუხისმგებელია იმ ძალიან მძიმე მდგომარეობაზე, რომელიც საარჩევნო კამპანიის მიმდინარეობისას ჩანს,- ამის შესახებ "ევროპული საქართველოს" წევრმა ოთარ კახიძემ ჟურნალისტებს ცესკოს თავმჯდომარის პარლამენტში დაბარებასთან დაკავშირებით განუცხადა. მისი თქმით, თამარ ჟვანია ვალდებულია განვითარებული მოვლენების შეფასება გააკეთოს.

„ცესკოს თავმჯდომარე პასუხისმგებელია საარჩევნო პროცესზე და იმ ძალიან მძიმე მდგომარეობაზე, რომელიც საარჩევნო კამპანიის მიმდინარეობისას ჩანს, მისი პასიურობის წვლილიც არის. საზოგადოება ხედავს, ადმინისტრაციული რესურსის გამოყენებით დაწყებული, დაშინებით გაგრძელებული და ძალადობით დასრულებული, ყველა შემთხვევას. ამგვარი საარჩევნო გარემო მთლიანად საზიანოა ქვეყნისთვის და ცენტრალური საარჩევნო კომისიის თავმჯდომარე ვალდებულია ამ მოვლენების შეფასება მაინც გააკეთოს, თუ მის აღკვეთას ვერ ახერხებს,"- განაცხადა ოთარ კახიძემ.