საქართველოს პრეზიდენტმა ტალინში ესტონეთის დამოუკიდებლობისათვის ბრძოლაში დაღუპულთა მემორიალი გვირგვინით შეამკო და კომუნიზმის მსხვერპლთა მემორიალი დაათვალიერა. ამის შესახებ „ინტერპრესნიუსს“ პრეზიდენტის ადმინისტრაციიდან აცნობეს.
მათი ინფორმაციით, კომუნისტურ რეჟიმს 1940-1991 წლებში ესტონეთში მოსახლეობის მეხუთედი ემსხვერპლა - 75 000-ზე მეტი ადამიანი მოკლეს, დააპატიმრეს ან გადაასახლეს. მემორიალი, რომელიც ტალინში გასულ წელს გაიხსნა, ორი ნაწილისაგან შედგება - „მოგზაურობის კედელი“ (Wall of Journey) და „სახლის ბაღი“ (Home Garden).