კობა გვენეტაძემ საერთაშორისო სავალუტო ფონდისა და ყაზახეთის ცენტრალური ბანკის მრგვალი მაგიდის დისკუსიებში მიიღო მონაწილეობა

საქართველოს ეროვნული ბანკის პრეზიდენტმა კობა გვენეტაძემ ქალაქ ნურ-სულთანში, საერთაშორისო სავალუტო ფონდისა და ყაზახეთის ცენტრალური ბანკის ორგანიზებით გამართულ რეგიონულ ღონისძიებაში - ''ინკლუზიური ზრდის პოლიტიკა" - მიიღო მონაწილეობა. ამის შესახებ „ინტერპრესნიუსს“ ეროვნული ბანკიდან აცნობეს.

მათი ინფორმაციით, მრგვალი მაგიდის დისკუსია დახურულ ფორმატში წარიმართა და მონაწილეობას კავკასიისა და ცენტრალური აზიის, მონღოლეთისა და ევრაზიის გაერთიანების ქვეყნები იღებდნენ. დისკუსიის ძირითადი საკითხი ინკლუზიური ზრდის დაგეგმვა, განხორციელება და შეფასებაა.

შეხვედრის ფარგლებში საქართველოს ეროვნული ბანკის პრეზიდენტმა ფინანსური ინკლუზიურობისა და ფინანსური ტექნოლოგიების მნიშვნელობაზე ისაუბრა. კობა გვენეტაძემ ყურადღება გაამახვილა ფინანსური ტექნოლოგიების საჭიროებაზე, მან ხაზი გაუსვა საქართველოში არსებულ გამოწვევებს და მონაწილეებს გააცნო ის მიმართულებები, რომლებსაც საქართველოს ეროვნული ბანკი ბოლო პერიოდში ახორციელებს.

"მსურს აღვნიშნო ის ორი მიმართულება, რომლებსაც ჩვენ ძალიან აქტიურად ვავითარებთ და რომელთა გარეშეც ფინანსური ტექნოლოგიების ხელშეწყობა შეუძლებელი იქნებოდა: ჯერ ერთი, ჩვენ წარმატებით დავნერგეთ ფინანსური განათლების სტრატეგია და მეორე, საკრედიტო ინფორმაციაზე წვდომის გამარტივებისთვის ეროვნული ბანკის ზედამხედველობის ქვეშ შემოვიყვანეთ საკრედიტო ბიურო და ვმუშაობთ გაერთიანებული რეესტრის შექმნაზე", - განაცხადა კობა გვენეტაძემ.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ