ავტოავარიისას დაშავებული 7 მოზარდიდან, ერთ-ერთი ზუგდიდის საავადმყოფოდან თბილისში გადმოიყვანეს

ზუგდიდის რეფერალური საავადმყოფოდან, სადაც ავტოავარიის შედეგად დაშავებული 7 მოზარდი მოათავსეს, ერთ-ერთი სასწრაფო დახმარების მანქანით სამკურნალოდ თბილისში გადმოიყვანეს. ამის შესახებ "ინტერპრესნიუსს" ერთ-ერთი დაშავებული მოზარდის ბებიამ, ზოია მატუამ განუცხადა.

მისი ინფორმაციით, დაშავებული მოზარდის, რომელიც თბილისში წაიყვანეს სამკურნალოდ, ჯანმრთელობის მდგომარეობა მძიმეა. ზოაია მატუას თქმით, სწორედ ეს ახალგაზრდა მართავდა იმ მანქანას, რომელიც ანაკლია-ზუგდიდის გზაზე ავარიაში მოჰყვა. რაც შეეხება დანარჩენ 6 პაციენტს, რომლებიც ამ დროისთვის ზუგდიდის რეფერალურ საავადმყოფოში მკურნალობენ, ზოია მატუა ამბობს, რომ მათი ჯანმრთელობის მდგომარეობა სტაბილურია, თუმცა აღენიშნებათ სხეულის სხვადასხვა სახის დაზიანებები, მათ შორის, მის შვილიშვილსაც.

„ჩემს შვილიშვილს გატეხილი აქვს, ყბა, ცხვირი, მოტეხილი აქვს ხელი, ფეხი და ბარძაყი. როგორც ვიცი, თავის ტვინი და გულ-მკერდი არ არის დზიანებული. ის მკურნალობას აქ, ზუგდიდის საავადმყოფოში გადის. დაშავებულთაგან ერთ-ერთს ელენთა ამოუღეს. კიდევ ერთს მძიმე დაბეჟილობა აქვს. როგორც მითხრეს, აქ მოთავსებულთაგან 6-ის მდგომარეობა დამაკმაყოფილებელია. გამოსაშვები ბოლო ზარი 20 მაისს ჰქონდათ და ამისთვის ემზადებოდნენ, მანამდე კი გასართობად ანაკლიაში წასულან და მოხდა ეს შეემთხვათ. კლასელები იყვნენ“, - განაცხადა ზოია მატუამ.

ავტოავარიისას დაშავებული 7 მოზარდიდან, ერთ-ერთი ზუგდიდის საავადმყოფოდან თბილისში გადმოიყვანეს

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს