17 მაისს, „ბიბლუსი გალერეაში“, „ისტორიული კვირეულის“ ფარგლებში, პროექტის „ისტორიული Sელფერის“ გამოფენა/წარდგენა გაიმართება. ამის შესახებ „ინტერპრესნიუსს“ გამომცემლობა „პალიტრა L“-დან აცნობეს.
მათი ინფორმაციით, ღონისძიებაზე მისულ სტუმრებს, შესაძლებლობა ექნებათ, გაიცნონ პროექტის „ისტორიული Sელფერი“ იდეის ავტორი, კოტე იანტბელიძე და მხატვარი, ლევან სილაგაძე, რომლის მიერ შექმნილ ისტორიულ „სელფებს“ სოციალურ მედიაში დიდი გამოხმაურება მოჰყვა.
„მნიშვნელოვანი ისტორიული მომენტების ამსახველ „სელფებზე“ ლექციას წაიკითხავს თბილისის სახელმწიფო უნივერსიტეტის პროფესორი, ბონდო კუპატაძე.
საღამოზე ჩატარდება გათამაშება, რომლის გამარჯვებულსაც სპეციალური პრიზი გადაეცემა.
ღონისძიება დაგეგმილია, „ისტორიული კვირეულის“ ფარგლებში, რომელიც 15 მაისს დაიწყო და 26 მაისის ჩათვლით გაგრძელდება. ამ დღეების განმავლობაში, „ბიბლუსის“ ყველა მაღაზიაში იმოქმედებს დიდი ფასდაკლებები „საქართველოს ილუსტრირებული ისტორიის“, „ქართველი მეფეების“; „3D წიგნების“; სხვა ისტორიული სერიების წიგნებსა და „საქართველოს ინტერაქციული რუკის“ ნაწილებზე“, - აღნიშნულია „პალიტრა L“-ის მიერ გავრცელებულ ინფორმაციაში.
ღონისძიების ბმული: https://www.facebook.com/events/877482069254210/