აშშ-ის პრეზიდენტმა დონალდ ტრამპმა ახალი საიმიგრაციო პოლიტიკა დააანონსა. ამის შესახებ ინფორმაციას „ბიბისი“ ავრცელებს.
ტრამპმა განაცხადა, რომ ახალი სისტემა ახალგაზრდებზე მორგებული იქნება. ამასთანავე, უპირატესობა მიენიჭებათ განათლებულ და ინგლისურად კარგად მოსაუბრე ადამიანებს. დონალდ ტრამპმა ასევე ისაუბრა ამჟამად არსებული სისტემის ნაკლოვანებაზე, რომელიც ეხმარება მათ, ვისაც ოჯახის წევრები ჰყავს შეერთებულ შტატებში.
ტრამპმა ასევე განაცხადა, რომ მექსიკის საზღვრის პირას არსებული ტერიტორიები უფრო მკაცრად გაკონტროლდება და თავშესაფრის მომთხოვნების მიმართ რეგულაციებიც გამკაცრდება.