უკრაინის უმაღლეს რადაში მმართველი კოალიცია „ევროპული უკრაინა“ დაიშალა. უკრაინული მედიის ინფორმაციით, საპარლამენტო კოალიციიდან ფრაქცია „სახალხო ფრონტი“ გავიდა, რის შედეგადაც ახალი კოალიციის ჩამოსაყალიბებლად დეპუტატებს 30-დღიანი ვადა აქვთ. აღსანიშნავია, რომ „სახალხო ფრონტი“ რადაში წარმოდგენილ ყველა ფრაქციას ახალი კოალიციის შეთანხმების მისაღწევად კონსულტაციების დაწყებისაკენ მოუწოდებს.
ამასთანავე, ფრაქციაში აცხადებენ, რომ ქვეყანაში ცვლილებების დროა. ახლად არჩეული პრეზიდენტი და ახალი პარლამენტი კი ქვეყანაში მნიშვნელოვანი ნაბიჯების გადადგმას შეძლებენ.