ჩვენ სერიოზულ ინციდენტებსა და დაპირისპირებას არ ველოდებით, - ამის შესახებ „ინტერპრესნიუსს" „ქართული მარშის" ერთ-ერთმა ლიდერმა სანდრო ბრეგაძემ განუცხადა.

სანდრო ბრეგაძის განცხადებით, „ქართული მარში" უერთდება დღეს დაგეგმილ მსვლელობას, რომელიც სამების საკათედრო ტაძარში დასრულდება.

„როგორც მართლმადიდებელი ქრისტიანები, მივყვებით საპატრიარქოს მიერ გამოცხადებულ დღის წესრიგს. ერთი მცირე ინციდენტი უკვე იყო, მაგალითად ლგბტ დროშა გამოფინეს ძველ თბილისში, მაგრამ რამდენიმე წუთში ჩამოხსნეს. ჩვენ სერიოზულ ინციდენტებსა და დაპირისპირებას არ ველოდებით", - აღნიშნა სანდრო ბრეგაძემ.