კომპანიის მმართველებისგან მოვისმინეთ დაპირება, რომ ჭიათურაში მაღაროელების ყველა მოთხოვნა შესრულდება, - ამის შესახებ „ქართული ოცნების“ პოლიტიკურმა მდივანმა ირაკლი ღარიბაშვილმა განაცხადა.
მისი თქმით, პირადად მოისმინა ყველა მოთხოვნა, რომელიც მაღაროელებს აწუხებთ და არც ერთი მოთხოვნა არ არის არაობიექტური და უსამართლო.
„წლების განმავლობაში აქ დაგროვდა ყველა ის პრობლემა, რომელიც საჭიროებს დროულ გადაწყვეტას. სწორედ ამიტომ, ჩვენ კომპანიის მმართველებისგან მოვისმინეთ დაპირება, რომ ყველა პირობა და ყველა მოთხოვნა შესრულებული იქნება. ჩვენ მივადევნებთ თვალს აქ განვითარებულ მოვლენებს, რამდენად დროულად შეასრულებს კომპანია მოთხოვნებს“, -განაცხადა ირაკლი ღარიბაშვილმა.
ჭიათურაში მაღაროელები გუშინ გაიფიცნენ. ისინი ხელფასების გაზრდას და სამუშაო პირობების გაუმჯობესებას მოითხოვენ.