ირაკლი კობახიძე - მაღაროელებს სამართლიანი მოთხოვნები აქვთ

ჭიათურაში გაფიცულ მაღროელებს პარლამენტის თავმჯდომარე შეხვდა. ირაკლი კობახიძე მაღაროელთა პრობლემებს გაეცნო.

“დღეს ჭიათურაში მოსახლეობასთან შესახვედრად და ჩვენი კანდიდატისთვის მხარდასაჭერად ჩამოვედით. მნიშვნელოვანი იყო, გვქონდა საშუალება შევხვედროდით მაღაროელებს, რომლებსაც სამართლიანი მოთხოვნები აქვთ. ეს სოციალურ მოთხოვნებს, ანაზღაურებას, სამედიცინო მომსახურებას და ეკოლოგიას უკავშირდება. არც ერთი ეს მოთხოვნა უსამართლო არ არის. გამომდინარე აქედან, ჩვენი მხრიდანაც გაკეთდება ყველაფერი. იმედი მაქვს, რომ დღევანდელი მოლაპარაკება წარმატებით დასრულდება და მოთხოვნები შესრულდება", - განაცხადა ირაკლი კობახიძემ.

ჭიათურაში მაღაროელები გუშინ გაიფიცნენ. ისინი ხელფასების გაზრდას და სამუშაო პირობების გაუმჯობესებას მოითხოვენ.