მამუკა მდინარაძემ განმარტა, თუ რატომ იკავებს თავს „ქართული ოცნება“ შიდაპარტიული კვლევების გამოქვეყნებისგან

დეპუტატ მამუკა მდინარაძის განმარტებით, პარტია “ქართული ოცნება“ შიდაპარტიული კვლევის შედეგების გამოქვეყნებისგან თავს იკავებს, რადგან ის “შიდა მენეჯმენტის საკითხია“.

ამ კონტექსტში მდინარაძემ აღნიშნა ისიც, რომ “ქართულ ოცნებას“ შიდა კვლევების გამოქვეყნების კუთხით ცუდი გამოცდილება აქვს.

“ჩვენ შიდაპარტიული კვლევების გახმოვანებას ყოველთვის ვერიდებით. იყო შემთხვევა, როცა შიდაპარტიული, ამ შემთხვევაში სუბიექტური კვლევის შედეგები რეალურ შედეგებთან მთლად ახლოს არ იყო. პარტიული კვლევა არის პარტიული კვლევა და ის შიდა მენეჯმენტისთვის, შიდა დანიშნულებით გამოიყენება. ჩვენ გვიკიჟინებდნენ, რომ ასეთი კვლევები გამოგვექვეყნებინა, რამაც გარკვეულ შეცდომამდეც მიიყვანა. სჯობია ამის აღიარება, რომ უფრო ადეკვატურები ვიყოთ. ეს კვლევა არის შიდა მოხმარებისთვის და არ ვცდილობთ, ის საზოგადოებას თავზე მოვახვიოთ“, - განუცხადა ჟურნალისტებს მამუკა მდინარაძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს