გაფიცულმა მაღაროელებმა ჭიათურის მერიის წინ კარვების გაშლა დაიწყეს. მაღაროელების თქმით, თუ მათი მოთხოვნები არ დაკმაყოფილდება, ჭიათურა კარვების ქალაქად გადაიქცევა.

„პროტესტი გრძელდება, ვიდრე მოთხოვნები არ დაკმაყოფილდება. ჩვენ აქ მოვიტანეთ კარვები და ღამესაც კარვებში გავათევთ. თუ არ შეგვისრულებენ მოთხოვნებს, ჭიათურა კარვების ქალაქად გადაიქცევა“, –აცხადებენ მაღაროელები.

ჭიათურაში მაღაროელების აქცია მეორე დღეა მიმდინარეობს. 15–მა მაღაროელმა კი პროტესტის უკიდურეს ფორმას მიმართა და შიმშილობა დაიწყო. გაფიცულები ხელფასების 50%–ით ზრდას და სამუშაო პირობების გაუმჯობესებას მოითხოვენ.