კინოთეატრ „ამირანში“ „მარველის“ სუპერგმირების მოყვარულებისათვის ღონისძიება გაიმართება

18 მაისს, კინოთეატრ „ამირანში“ MARVEL-ის საღამო გაიმართება. როგორც „ინტერპრესნიუსს“ გამომცემლობა „პალიტრა L”-დან აცნობეს, „მარველის“ სამყაროზე, მის გმირებსა და ანტიგმირებზე ვლოგერი, ირაკლი კეკელია და „მარველის“ ისტორიების მთარგმნელი, გიორგი კიკაბიძე ისაუბრებენ. ადგილზე მოეწყობა გათამაშებები, გამარჯვებულები „ადამიანი-ობობასა“ და „რკინის კაცის“ ოფიციალური საკოლექციო ფიგურებითა და ისტორიებით, ე.წ. storyteller-ებით დაჯილდოვდებიან.

ივენთი საერთაშორისო პროექტის, „მარველის სუპერგმირების საკუთარი კოლექციის“ ფარგლებში იმართება, რომლის ოფიციალური წარმომადგენელიც საქართველოში არის გამომცემლობა „პალიტრა L”.

პროექტი „მარველის“ 12 სუპერგმირის საკოლექციო ფიგურის ისტორიასთან ერთად გამოცემას გულისხმობს. ეს გმირებია: ადამიანი-ობობა, რკინის კაცი, მწვანე გობლინი, თორი, კაპიტანი ამერიკა, დედპული, შავი პანტერა, ადამიანი-ჭიანჭველა, სამურავი, მაგნეტო, დოქტორი სტრეინჯი, დოქტორი რვაფეხა. Storyteller-ები მოიცავს როგორც გმირების, ასევე კომიქსებისა და სრული ინდუსტრიის ისტორიებს.

საკოლექციო ფიგურები ისტორიასთან ერთად 2 კვირაში ერთხელ გამოიცემა. „მარველის“ ოფიციალური შეფუთვების შეძენა შესაძლებელია პრესის გავრცელების წერტილებში, „ბიბლუსისა“ და „პეპელას“ მაღაზიათა ქსელში.

ღონისძიების ბმული: https://www.facebook.com/events/437419417059801/

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს