„ქართული ოცნების“ ერთ- ერთი ლიდერის, ირაკლი სესიაშვილის განცხადებით, მარნეულში საარჩევნო პროცესი მშვიდ ვითარებაში მიმდინარეობს, ოპოზიცია კი ცდილობს ისე წარმოაჩინოს, თითქოს დარღვევებია.

"ჩვენ ყველამ მოვისმინეთ „ნაციონალური მოძრაობის“, მე ასე ვიტყოდი, არადამაჯერებელი ბრიფინგი, რომელზეც საუბრობდა, მისივე თქმით, უპრეცენდენტო გაყალბებაზე თუმცა, მადლობა იმისთვის, რომ მან ფაქტობრივად დაადასტურა, რომ მარნეულში არანაირი დარღვევა არ ყოფილა. ვერანაირი ფაქტი ვერ დაასახელა, გარდა იმისა, თითქოს და გარკვეულ დამკვირვებლებს ენერგიის წყაროს არ აძლევენ, რაც ალბათ, სასაცილოა თითოეული თქვენგანისთვის. მთავარი არის, რომ საარჩევნო ადმინისტრაცია ძალიან ეფექტურად და კარგად მუშაობს, ამომრჩეველი პირველ რიგში ხედავს, რომ მშვიდ გარემოში უწევს არჩევანის გაკეთება. მე კიდევ ერთხელ მოვუწოდებ ყველას, ოპონენტებსაც, რომ პატივი სცენ მოქალაქეებს და მათ თავისუფალ არჩევნს", - განაცხადა ირაკლი სესიაშვილმა მარნეულში გამართულ ბრიფინგზე.