გაერთიანებული ოპოზიციის წარმომადგენლებმა სამეგრელო-ზემო სვანეთის სამხარეო პოლიციის შენობა უკვე დატოვეს.

ისინი სამხარეო პოლიციის უფროსთან, ნიკოლოზ დიასამიძესთან შეხვედრას ითხოვდნენ, თუმცა ადგილზე განუმარტეს, რომ დიასამიძე შენობაში არ იმყოფებოდა.

გაერთიანებული ოპოზიციის ერთ-ერთი ლიდერის, თინათინ ბოკუჩავას განცხადებით, როდესაც ჟურნალისტს აკავებენ და არ აძლევენ ადვოკატის მიყვანის უფლებას, ეს არის გატაცება.

"როდესაც არ ამბობ, რისთვის გყავს დაკავებული და არ ეუბნები ჟურნალისტებს, სად გყავს, ეს არის გატაცება. რადგან ერთხელ გაიტაცეს და აფგან მუხთარლი გააპარეს სუს-ის დახმარებით, ახლაც ჰგონიათ, რომ ეს გაუვათ", - აღნიშნა ბოკუჩავამ.