ცესკო - ინფორმაცია, რომ მარნეულის 68-ე საარჩევნო უბანზე ყუთში ბიულეტენები ჩაყარეს, სიმართლეს არ შეესაბამება

ცესკოს პრესსპიკერის, ანა მიქელაძის განცხადებით, გავრცელებული ინფორმაცია, რომ მარნეულის 68-ე საარჩევნო უბანზე ყუთში ბიულეტენები ჩაყარეს, სიმართლეს არ შეესაბამება.

„გავრცელდა ინფორმაცია, თითქოს მარნეულის 68-ე საარჩევნო უბანზე უცნობმა პირებმა საარჩევნო ყუთში ჩაყარეს ბიულეტენები. მარნეულის საოლქო საარჩევნო კომისიის თავმჯდომარის განმარტებით, მსგავს ფაქტს ადგილი არ ჰქონია და აღნიშნულს ადასტურებს, ასევე, ამავე უბანზე მყოფი ცენტრალური საარჩევნო კომისიის წარმომადგენელიც,“ - განაცხადა ანა მიქელაძემ ბრიფინგზე.