ცესკო-ს ინფორმაციით, მარნეულში „ნაცმოძრაობის“ წევრს უბანი საარჩევნო პროცესის ხელის შეშლისა და ქაოსის შექმნის გამო დაატოვებინეს

მარნეულის მუნიციპალიტეტის N2 საარჩევნო უბნიდან „ერთიანი ნაციონალური მოძრაობის" წარმომადგენლის გაძევებასთან დაკავშირებით, ცენტრალური საარჩევნო კომისია განმარტებას აკეთებს. როგორც ცესკოს პრესსპიკერმა ანა მიქელაძემ ბრიფინგზე განაცხადა, აღნიშნული პიროვნება კენჭისყრის პროცესს ხელს უშლიდა და ქაოსს ქმნიდა, რის გამოც მას უბანი დაატოვებინეს.

„რაც შეეხება მარნეულის მე-2 საარჩევნო უბანს, ჩვენი ინფორმაციით, „ერთიანი ნაციონალური მოძრაობის“ წარმომადგენელმა დაწერა საჩივარი, რომელიც საუბნო საარჩევნო კომისიამ ჩაიბარა და გაატარა რეგისტრაციაში, თუმცა ამ წარმომადგენელს საარჩევნო პროცესის ხელის შეშლისა და ქაოსის შექმნის გამო, საარჩევნო უბანი დაატოვებინეს,“ - განაცხადა ანა მიქელაძემ.