ნიკა მელია - უბნების მონაცემების მიხედვით, ზესტაფონში შედგება მეორე ტური

"ნაციონალური მოძრაობის" ლიდერის, ნიკა მელიას თქმით, ზესტაფონში მეორე ტური გაიმართება.

ოპოზიციური პარტიის წევრის თქმით, უბნების ნაწილის მონაცემები ცნობილია.

"რეალურად, ზესტაფონში ხდებოდა ის, რაც სხვა ოლქებში. მიუხედავად ჩამოსული თანამდებობის პირებისა და ადმინისტრაციული რესურსის გამოყენებისა, შემიძლია გითხრათ, ზესტაფონში შედგება მეორე ტური. ვიღებთ ოქმებს უბნებიდან, რიგ უბნებში იმარჯვებს ბაქარ ხიჯაკაძე, რიგ უბნებში მმართველი გუნდის კანდიდატი, რაც ცხადყოფს, იმას, რომ გარდაუვალია მეორე ტური", - განაცხადა ნიკა მელიამ.