წინასწარი მონაცემების თანახმად, მარნეულის საარჩევნო ოლქში, სადაც ყველა უბნის მონაცემია დათვლილი, „ქართული ოცნების“ მერობის კანდიდატმა ზაურ დარგალმა გაიმარჯვა. მან ამომრჩეველთა ხმების 79,6% მიიღო, რაც რაოდენობრივად არის 28088 ხმა.
მეორე ადგილზე „გაერთიანებული ოპოზიციის“ კანდიდატი აგილ მუსტაფაევია 11,49%-ით. „ევროპული საქართველოს“ კანდიდატმა აკმამედ იმამკულიევმა 7,54% მიიღო.
ცენტრალური საარჩევნო კომისიის ვებ-გვერდზე გამოქვეყნებული ინფორმაციის მიხედვით, მარნეულში მერობის დანარჩენმა კანდიდატებმა ხმათა 1%-ზე ნაკლები მიიღეს.
მარნეულში სულ 90 საარჩევნო უბანი იყო გახსნილი, საიდანაც დათვლილია ყველა უბნის მონაცემები.