„ვიტ ჯორჯიას“ პრეზიდენტი ფეხბურთელების დაკავებაზე - მხოლოდ ის ინფორმაცია მაქვს, რომ ასეთი გაუგებრობა მოხდა

მხოლოდ ის ინფორმაცია მაქვს, რომ ასეთი გაუგებრობა მოხდა, - ამის შესახებ „ვიტ ჯორჯიას“ პრეზიდენტმა გურამ რუხაძემ

ფეხბურთელების დაკავებასთან დაკავშირებით lelo.ge -ს განუცხადა.

არსებული ინფორმაციით, სუს-მა გარიგებული მატჩების გამო, "ვიტ ჯორჯიას" ფეხბურთელები დააკავა.

„მე თბილისში ვარ, არ წავსულვარ თამაშზე. სავარაუდოდ, უფრო მეტი რამ ორშაბათისთვის გაირკვევა", -განაცხადა „ვიტ ჯორჯიას“ პრეზიდენტმა.

შეგახსენებთ, რომ ბათუმის "დინამოსა" და "ვიტ ჯორჯიას" მატჩი მშვიდ ვითარებაში წარიმართა და მასპინძელთა გამარჯვებით დასრულდა -2:0. თუმცა, გასახდელში შესული "ვიტ ჯორჯიას" ფეხბურთელები საქართველოს უსაფრთხოების სამსახურმა დააკავა.

„ერთი წყაროს ინფორმაციით დაკავებულია ოთხი, მეორე წყაროს ინფორმაციით - ექვსი მოთამაშე.არსებული ინფორმაციით, საქმე ეხება "რუსთავთან" გამართული ამასწინანდელი მატჩის შედეგით მანიპულირებას: "ვიტ ჯორჯია" 76-ე წუთამდე 2 ბურთით იგებდა, მაგრამ საბოლოოდ, 2:3 დამარცხდა“, -წერს lelo.ge.