კრემლის პრესსპიკერი დიმიტრი პესკოვი აცხადებს, რომ ვლადიმერ პუტინს უკრაინის ახალარჩეული პრეზიდენტისთვის მილოცვა დაგეგმილი არ აქვს.
მისივე თქმით, პუტინი ვლადიმერ ზელენსკის მიულოცავს მხოლოდ მაშინ, თუ უკრაინის პრეზიდენტი აღმოსავლეთ უკრაინაში არსებული კონფლიქტის მოგვარებაში საჭირო ნაბიჯებს გადადგამს და რუსეთთან კავშირებს აღადგენს.
ამასთან, დიმიტრი პესკოვმა განაცხადა, რომ ყირიმი ეკუთვნის რუსეთის ფედერაციას.
„რაც შეეხება უკრაინის სამხრეთ-აღმოსავლეთ რეგიონს, დონბასს, ეს უკრაინის შიდა პრობლემაა, რომელიც უნდა მოგვარდეს უკრაინის პრეზიდენტის მიერ მინსკის შეთანხმების გეგმის მიხედვით“, - განაცხადა კრემლის პრესსპიკერმა.