აფხაზეთის დღისადმი მიძღვნილი კვირეულის ფარგლებში, აფხაზეთის ავტონომიური რესპუბლიკის განათლებისა და კულტურის სამინისტროსა და აფხაზეთის რაგბის ფედერაციის ორგანიზებით, რაგბიში აფხაზეთის ღია პირველობა გაიმართა. ამის შესახებ „ინტერპრესნიუსს“ აფხაზეთის ავტონომიური რესპუბლიკის მთავრობიდან აცნობეს.

მათივე ინფორმაციით, შეჯიბრებაში მონაწილეობდნენ გუნდები: „ადიგენი“, „ახალციხე“, „ახალქალაქი“, „პტენა“, „აწყური“, „ასპინძა“, „ნაქალაქევი“, „ბორჯომი“, „ზუგდიდი 1“ და „ზუგდიდი 2“.

შეჯიბრებაში პირველი ადგილი „ზუგდიდი 1-მა“ დაიკავა, მეორე ადგილის მფლობელი „ბორჯომი“ გახდა , ხოლო მესამე ადგილს- „ადიგენის“ გუნდი დაეუფლა. გამარჯვებული კლუბები თასებითა და დიპლომებით დაჯილდოვდნენ.

შეჯიბრს აფხაზეთის ავტონომიური რესპუბლიკის განათლებისა და კულტურის მინისტი როლანდ ნიჟარაძე ესწრებოდა.