ვლადიმერ ზელენსკი სალომე ზურაბიშვილს - კორუფციის დამარცხების საკითხში საქართველოს გამოცდილება ჩვენთვის სამაგალითოა

უკრაინაში მყოფი საქართველოს პრეზიდენტი სალომე ზურაბიშვილი უკრაინის პირველ პირს ვლადიმერ ზელენსკის შეხვდა. სალომე ზურაბიშვილი უკრაინის პრეზიდენტის ინაუგურაციას დაესწრო, რომელიც დღეს გაიმართა. ინფორმაციას შეხვედრის შესახებ უკრაინის პრეზიდენტის ადმინისტრაცია ავრცელებს.

სალომე ზურაბიშვილმა ვლადიმერ ზელენსკის პრეზიდენტის პოსტზე წარმატებები უსურვა. ზელენსკიმ თავის პრიორიტეტებზე ისაუბრა.

„რატომ წავიდა ჩვენი გუნდი პოლიტიკაში? ჩვენთვის ნომერ პირველი გამოწვევა აღმოსავლეთში ცეცხლის შეწყვეტაა, სადაც ყოველდღიურად იღუპება ჩვენი ხალხი“, - განაცხადა ვლადიმერ ზელენსკიმ.

მისი თქმით, უკრაინა გააგრძელებს საგარეო კურსს, რომელიც მიმართულია ქვეყნის სუვერენიტეტისა და ტერიტორიული მთლიანობის აღდგენისა და ევროპული და ევროატლანტიკური ინტეგრაციის გაგრძელებაზე. ზელენსკის განცხადებით, უკრაინის ერთ-ერთი გამოწვევა კორუფციის დამარცხებაა.

„ამ საკითხში საქართველოს გამოცდილება ჩვენთვის სამაგალითოა“, - განაცხადა ვლადიმერ ზელენსკიმ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს