შსს-ს თანამშრომლებმა ძალისმიერი სამჭიდის 29-ე მსოფლიო ჩემპიონატში 6 ოქროს მედალი მოიპოვეს

საერთაშორისო ტურნირი მიმდინარე წლის 16-19 მაისს, უკრაინის ქალაქ ლუცკში გაიმართა. გამარჯვებულ სპორტსმენებს თბილისის საერთაშორისო აეროპორტში კოლეგები, გულშემატკივრები და ოჯახის წევრები დახვდნენ.

ძალისმიერი სამჭიდის მსოფლიო ჩემპიონატზე, ძალოვანი სტრუქტურების დივიზიონში შინაგან საქმეთა სამინისტროს სხვადასხვა დანაყოფის წარმომადგენლებმა იასპარეზეს: კობა კობახიძემ (საპატრულო პოლიციის დეპარტამენტი), რამაზ გაბაიძემ (სასაზღვრო პოლიციის სახმელეთო საზღვრის დაცვის დეპარტამენტი), თეიმურაზ გოგოლაძემ (განსაკუთრებულ დავალებათა დეპარტამენტი), დავითი ჯოიძემ (ობიექტების დაცვის დეპარტამენტი) და შალვა ბებიაშვილმა (სტრატეგიული მილსადენების დაცვის დეპარტამენტი).

ხუთივე სპორტსმენმა სხვადასხვა წონით კატეგორიაში პირველი ადგილი და 6 ოქროს მედლი მოიპოვა. ჩემპიონატში მსოფლიოს 25 ქვეყნის 500-მდე სპორტსმენი მონაწილეობდა.

აღნიშნულ ინფორმაციას შინაგან საქმეთა სამინისტრო ავრცელებს.