როდესაც ასეთ დაბალ შედეგს იღებ არჩევნებზე, იქ სხვა რესურსიც არ ჩანს!, - ამის შესახებ ჟურნალისტებს პარლამენტის თავმჯდომარემ, ირაკლი კობახიძემ ჟურნალისტებს განუცხადა, რითაც არჩევნების შედეგების საპროტესტოდ და ხელისუფლების შეცვლის მოთხოვნით, „ნაციონალური მოძრაობის“ მიერ საპროტესტო ტალღის აგორების გეგმას გამოეხმაურა.

"ინტერპრესნიუსის" შესაბამისი კითხვის საპასუხოდ, პარლამენტის თავმჯდომარემ განმარტა, რომ შესაძლოა, "ნაციონალურ მოძრაობას" და "გაერთიანებულ ოპოზიციას" ჰქონდეს სურვილი დაძაბულობისა და არეულობის შემოტანის, თუმცა მათი ყველა მცდელობა წარუმატებლობისთვის არის განკუთვნილი, ვინაიდან „რაიმეს შეცვლისთვის უნდა გქონდეს რესურსი, ამ შემთხვევაში ხალხის მხარდაჭერა“.

„როდესაც ასეთ დაბალ შედეგს იღებ არჩევნებზე, იქ სხვა რესურსიც არ ჩანს! შესაძლოა, მათ ჰქონდეთ მცდელობა შემოიტანონ არეულობა, მაგრამ ეს მცდელობები არის წარუმატებლობისთვის განწირული. ამის მთავარი მიზეზი ისაა, რომ თუ ზურგს არ გიმაგრებს ხალხის მხარდაჭერა, ვერაფერს შეძლებ ამ ქვეყანაში," - განაცხადა ირაკლი კობახიძემ.