გერმანია და ავსტრიის ნაწილი ძლიერმა შტორმმა დააზარალა. „დოიჩე ველეს“ ინფორმაციით, განსაკუთრებით დაზარალდა სამხრეთ და ცენტრალურ რეგიონებში მცხოვრები მოსახლეობა. დაღუპულია ერთი ადამიანი. იგი ბავარიაში იმყოფებოდა, როდესაც მისი ავტომობილი წყალმა წაიღო.

გადაუღებელი წვიმის შედეგად, ადიდებულმა მდინარეებმა ქუჩები დატბორა. სტიქიის შედეგად დაზარალდა გერმანია-ავსტრიის სამხრეთ სასაზღვრო რეგიონებიც. გარდა ამისა, სტიქიის გამო დაკეტილია რამდენიმე მაგისტრალი, დაზიანებულია რკინიგზაც. ჰანოვერთან ახლოს მდებარე საავადმყოფოს ნაწილობრივი ევაკუაცია მას შემდეგ გამოცხადდა, რაც უხვი ნალექის გამო ჭერი ჩამოინგრა.

როგორც სინოპტიკოსები აცხადებენ, ძლიერი წვიმა გერმანიის აღმოსავლეთ რეგიონეში გაგრძელდება.