საქართველოს ვიცე-პრემიერი, შინაგან საქმეთა მინისტრი, გიორგი გახარია, საქართველოში წითელი ჯვრის საერთაშორისო კომიტეტის (ICRC) ხელმძღვანელს შეხვდა.
შინაგან საქმეტა სამინისტროს ინფორმაციით, შეხვედრაზე მხარეებმა საქართველოში წითელი ჯვრის საერთაშორისო კომიტეტის საქმიანობის ძირითადი მიმართულებები და წლების განმავლობაში ორგანიზაციის მიერ გაწეული მუშაობის შედეგები მიმოიხილეს.
მათი ცნობით, გიორგი გახარიამ ორგანიზაციის წარმომადგენლებს, ქვეყანაში განხორციელებული ჰუმანიტარული საქმიანობისთვის მადლობა გადაუხადა და მომავალში თანამშრომლობის გაღრმავების მზადყოფნა გამოთქვა.