დიდი ბრიტანეთის პრემიერ-მინისტრმა ტერეზა მეიმ, 24 მაისს შესაძლოა თანამდებობიდან წასვლის შესახებ განაცხადოს, - ამის შესახებ გამოცემა The Times-ი წყაროზე დაყრდნობით იტყობინება. თუმცა, ტერეზა მეი პრემიერის პოსტზე დარჩება მანამ, ვიდრე მის შემცვლელს არ აირჩევენ.
გავრცელებული ცნობით, პრემიერის ეს გადაწყვეტილება ბრექსითის შესახებ გეგმებს უკავშირდება, რომელსაც მთავრობის წევრები ეწინააღმდეგებიან.
მეიმ ბრიტანეთის ევროკავშირიდან გასვლის პროცესის შესახებ ახალი გეგმა შეიმუშავა, რომელსაც მინისტრთა კაბინეტის წევრები ეწინააღმდეგებიან.
შეგახსენებთ, პარლამენტმა ტერეზა მეის მიერ შემუშავებული ბრექსითის შესახებ შეთანხმება ბოლო ნახევარი წლის განმავლობაში სამჯერ დაიწუნა, რის გამოც ბრექსითის გადავადება გახდა აუცილებელი.