ირანელი ახალგაზრდები ისრაელის და ამერიკული ცივილიზაციის გარდაცვალების მომსწრენი გახდებიან, - ამის შესახებ ირანის სულიერმა ლიდერმა აიათოლა ალი ხამენეიმ განაცხადა.
„თქვენ, ახალგაზრდები დარწმუნებულები უნდა იყოთ, რომ კაცობრიობის მტრების, ამერიკული ცივილიზაციის და ისრაელის გარდაცვალების მომსწრენი გახდებით“, - განაცხადა ხამენეიმ სტუდენტებთან შეხვედრისას. თუმცა, მას სხვა დეტალებზე არ უსაუბრია.
შეგახსენებთ, ირანის სულიერმა ლიდერმა გასულ კვირას განაცხადა, რომ აშშ-სთან ომი არ უნდა დაიწყოს. თეირანსა და ვაშინგტონს შორის ბოლო პერიოდში ვითარება დაძაბულია.