27-28 მაისს თბილისში დიასპორის წარმომადგენლების მონაწილეობით ფორუმი გაიმართება

27-28 მაისს თბილისში დიასპორის წარმომადგენლების მონაწილეობით ფორუმი გაიმართება. ამის შესახებ საქართველოს პრემიერ-მინისტრმა, მამუკა ბახტაძემ მთავრობის სხდომამდე გამართულ ბრიფინგზე განაცხადა.

როგორც მამუკა ბახტაძემ აღნიშნა, მთავრობის ამოცანაა ქვეყნის აღმშენებლობის პროცესში დიასპორის წარმომადგენლები ჩართონ. ბახტაძის ინფორმაციით, დიასპორის წარმომადგენლებმა თავიანთი ინიციატივები მოამზადეს, რომელიც მომავალი წლის საბიუჯეტო პარამეტრებში აისახება.

„27-28 მაისს თბილისში ვუმასპინძლებთ დიასპორის წარმომადგენლებს. გაიმართება ტრადიციული ყოველწლიური ფორუმი. ჩემი გადაწყვეტილებით, დიასპორასთან ურთიერთობა აყვანილია პრიორიტეტულ საკითხთა სიაში. ამავე დროს, ახალი კონსტიტუციით, გვევალება ქართულ დიასპორასთან გვქონდეს განსაკუთრებული ურთიერთობები. ჩემი ამოცანაა ის, რომ უზრუნველვყოთ ჩვენი დიასპორის წარმომადგენლების ჩართულობა ჩვენი ქვეყნის აღმშენებლობის საქმეში, ყველა საზოგადოებრივ საქმიანობაში. ძალიან ბევრი ნიჭიერი, ერთგული პატრიოტი ადამიანია, რომელიც იძულებული იყო თავის დროზე დაეტოვებინა საქართველო და ჩვენი ამოცანაა თითოეული მათგანის ენერგია მოვახმაროთ ჩვენი სამშობლოს მშენებლობას. მოგეხსენებათ, სპეციალური საგრანტო პროგრამაც დავაწესეთ. ამასთან ერთად ჩვენი დიასპორის წარმომადგენლებმა მოამზადეს თავიანთი ინიციატივები, რომელიც დარწმუნებული ვარ აისახება მომავალი წლის საბიუჯეტო პარამეტრებში“, - განაცხადა ბახტაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს